IN MEMORIAM

 

Lina Kohen Albukrek

 

Madre de Beki Bardavid

 

Viejos Amores

 

No espertes korason adoloriado

Yo yori munšo por averte amado

No tengo por ti ninguna esperansa

Pensando en ti mi alma despedasa

Tu me dizias kon ke sakra emosion

Mira ke yo te amo kon munša pasion

 

Ke yo solamente a ti te amare

I ke de ti nunka no me despartire

Ay amor! tu prometa fue tanto falsa

Yo de ti kiti toda la esperansa

Entosegates la vida kon krueldad

Malo korazˇn i tanto sin piadad

 

Dulses karesas estando a mi lado

I esto no me puede ser olvidado

No te abasta ke de mi te burlates

I kon tu malisia me abandonates

Nunka Dio te pardone tu mala eša

I ke siempre tu bivas en la desdiša